Co proxecto “Escola no río” o alumnado 2º de Integración Social trata de achegar ás persoas con TEA á súa contorna, promovendo a educación ambiental, pero, sobre todo, facéndoas partícipes da súa comunidade.
Con esta proposta fomentamos a autonomía persoal das persoas participantes: traballamos varias actividades da vida diaria (tanto básicas como instrumentais), pero priorizando o desenvolvemento daquelas que favorezan a súa inclusión e participación plena.
Mediante actividades de carácter lúdico, de orientación á realidade, de animación á lectura, de emprego das TICS ou de estimulación sensorial, entre outras, aprendemos colectivamente a relacionarnos entre nós e co medio natural.
