Mes: octubre 2017

Publicado el

A natureza e as persoas facémonos unha soa…

 

Pensada para…

… que a través da observación as crianzas recoñezan diferentes elementos da natureza presentes na escola no río.

… que, a partir da representación corporal, potencien o control do propio corpo, o equilibrio e o autocoñecemento.

… que a natureza sexa percibida como un escenario de xogo no que promova a autonomía e a creatividade.

Pasamos á acción…

Teremos que ollar ben ao noso arredor, xa que logo pasarán cousas moi chulas se observamos ata os pequenos detalles…

Ao redor do río, por pequenos grupos, desprazarémonos libremente observando o que a nos chama a atención, podendo ser desde a árbore máis grande ata o animaliño máis pequeño, preguntando todo o que queiramos sobre o entorno.

[youtube https://www.youtube.com/watch?v=NvVMxcGbfEU&w=560&h=315]

Despois de que a curiosidade nos faga mirar para todo, xuntarémonos os pequenos grupos nun gran círculo e as crianzas que queiran representarán mediante sons, movementos, sombras… O que máis lle chamou a atención ou todo o relacionado co que antes se foi observando.

Precisamos…

… Un espazo de bosque que permita a observación de varios elementos distintos.

… Un espazo que permita a observación de varios elementos distintos.

Publicado el

Gústannos os contos, contamos un…?

Pensada para…

…. que as nenas e nenos experimenten a partir de diferentes materiais da natureza, novas formas de  utilización de los mesmos.

… que os cativos/as discriminen as formas dos diferentes elementos (redondas, cadradas, rectangulares …).

… que as crianzas distingan os tamaños dos elementos elixidos (grandes, pequenos, medianos …).

… que os nenos/as experimenten novas formas de achegarse á literatura.

Pasamos á acción…

Nesta proposta de animación á lectura adaptaremos o  conto “Un segredo do bosque”    de Javier Sobrino e Elena Odriozola da editorial OQO para contar nun entorno natural, usando elementos que se poidan observar na ribeira do río. Tamén se poden adaptar outros moitos contos coma por exemplo, “A mellor sopa do mundo”,” Pilú, Pilú”,” Corre , corre cabaciña”,  etc.

Co conto baixo o brazo emprenderemos o camiño cara ó lugar escollido. Unha vez alí, nós (as educadoras) cos materiais previamente preparados (bugallo, estrume, piña, pedra, tronquiño, rama, flor) pedirémoslle ós nenos/as que se senten nun semicírculo no chan para que vexan ben o que acontecerá.

Elementos conto Un segredo do bosque

Como precisamos silencio e atención, promoveremos a creación do ambiente idóneo mediante o retrouso dunha canción de Pablo Díaz chamada “Imos contar un conto” do seu álbum Tictac.

“pois imos contar un conto, un conto moi especial, non sabemos de que trata máis pronto se saberá”

Unha vez conseguida a calma, o silencio e a atención do nos auditorio comezaremos a  contar o noso conto.  Para iso unha de nós sentarase enfronte dos nenos/as co libro aberto na man, de maneira que todos/as podan ver as ilustracións do mesmo. Simultaneamente outra educadora collerá os materias, e irá presentando ós protagonistas e representando a historia á vez que se fai a narración de maneira compartida ca outra educadora (narradora e personaxes):

  • o esquío será un bugallo
  • o raposo será un estrume
  • o moucho será una piña dun piñeiro
  • o lobo será una pedra
  • o oso será un tronquiño
  • o leirón será una rama
  • a pita será una flor

A medida que imos contando o conto, cada vez que unha personaxe entre en acción, interactuaremos co elemento correspondente e moverémolo de forma que capte a atención dos nenos/as.

Precisamos…

… Un espazo axeitado dentro do bosque, unha zona chá e con herba curta onde poder sentármonos

… O conto ou contos escollido/s

… Os materias necesarios para contar o noso conto que neste caso son: pedra, pau, flores, bugallo, estrume, piña e tronco, mais que dependendo do conto escollido poden variar.

 

Publicado el

Enredamos e experimentamos coa auga

Pensada para

…que partindo da interacción cun elemento natural, como a auga, as crianzas se acheguen ao coñecemento da materia.

…que con algo tan simple como soltar unha pedra, un pau, unha folla ou outros materiais naturais, nun balde con auga, potenciar a capacidade de pensamento deductivo, desenvolvendo diferentes intelixencias.

Pasamos á acción

Escollido o lugar no que se vai desenvolver a proposta, preto do río, máis a unha distancia que permita as interaccións entre as crianzas e os materiais sen que exista perigo, garantindo que todo o grupo poida formar un corro.

Prepararemos dous baldes de plástico transparente e encherémolos ata a metade de auga, xuntámonos todas e todos arredor dos baldes e presentamos a dinámica da actividade coa axuda dunha pequena selección de obxectos naturais como algunha pedra, paos e follas, co obxecto de que se fagan unha idea de que materiais poden recolectar máis tarde.

Imagen 1

A continuación, pedirémoslle ás crianzas que recollan pola contorna dous ou tres materiais naturais que se poidan meter nos baldes. Insistiremos en que non se trata de coller moitos, senón cousas diferentes.

Unha vez feita a colleita, voltamos ao corro en torno aos baldes e de xeito organizado, en pequenos grupos, comezamos a experimentar cos elementos recollidos e a auga dos baldes. Non existe un guión previsto, deixando liberdade.

A actividade pode conducir ás crianzas a facerse preguntas sobre por que algúns obxectos flotan e outros non, por que uns afondan máis rápido que outros, por que se producen ondas cando algúns obxectos caen sobre a auga, se o que acontece no balde tamén ocorre no río, por que as cousas se ven diferentes a través da auga ou das paredes do balde… Co formato dunha asemblea promoverase que a través de diálogos moderados vaian formulando as súas preguntas e hipoteses e atopando respostas. As persoas adultas limitarémonos a animar e moderar a participación, se é preciso, observando con atención o que ocorre e documentando o proceso.

Rematada a actividade, coa participación de todas e todos, recolleremos todo deixando o espazo como estaba cando chegamos.

Precisamos…

… Un espazo chan e con boa luz.

… 2 baldes de plástico transparentes.

… Elementos naturais presentes no bosque (follas, paos, pedras, etc).

… Toallas ou papel para secarse as mans.