Escola no río
Houbo unha vez un bosque maravilloso,
en que vivían toda clase de animais…
Unha historia para pensar, emocionarse e descubrir o bosque a través de diferentes personaxes. O conto destaca polo contraste de cores nas súas ilustracións e a marabillosa presenza da natureza en todas as súas páxinas.
Había unha vez unha árbore…
que quería moito a un neno (…)
Unha historia das que non deberían rematar nunca. O amor incondicional, a lealdade e xenerosidade infinita entre unha árbore e un neno son os valores que encontramos neste relato extraordinario. O trazo libre e a simplicidade do negro sobre o branco en cada imaxe convírteno en esencial para os andeis de calquera biblioteca.
Érase unha vez dúas xoaniñas:
Hilderita Vermella
E Maximiliano Amarelo…
Se procuramos un conto no que unha árbore actúa de testemuña na transformación dun animal estamos ante o álbum perfecto. Unha alegoría da vida, un canto de berce aos soños fuxidizos do tempo, un lenzo sobre a beleza do amor, contado por dúas xoaniñas que nos recordan a nós mesm@s. Que pensará unha crianza o sentir este conto?
Piñeiro e piñeiro
dous piñeiros son (…)
Libro de poegramas da colección do Berce á Lúa recomendado para as crianzas mais pequenas. Poden pasar por si mesm@s as páxinas (editado en cartoné) para descubrir imaxes sinxelas, acompañadas todas elas coa musicalidade dunhas poucas palabras…