Categoría: Sin categoría

Pensada para

… que as crianzas vaian desenvolvendo a expresión plástica, usando os recursos que ofrece a natureza para transmitir ideas, sentimentos e emocións.

… que mediante a exploración e a experimentación, a través da vista e o tacto, as crianzas descubran e  identifiquen diferentes cores, formas e texturas das follas do entorno do bosque.

… que se establezan relacións de confianza, repecto, colaboración e afecto, entre nenas e nenos, á hora de explorar a natureza.

Pasamos á acción

Previa á saída coas crianzas teremos localizada unha zona segura na que podamos identificar distintas especies de árbores para que as follas que se podan atopar no chan ofrezan unha variedade de cores, formas e texturas o máis rica posible.

Unha vez no bosque deixaremos un tempo para a exploración libre e autónoma dos nenas e nenos permitindo que recoñezan o espazo no que van a traballar. Feita esta labor de identificación, xuntarémonos todas e dividiremos ás crianzas en pequenos grupos. O seguinte paso será pedirlles que recollan follas, que podan atopar no chan, e que fagan con elas un montón. Observaremos e acompañaremos sen interferir na actividade.

Cando o montón de follas sexa suficientemente grande, e/ou os cativas e cativos comencen  a amosar desinterese ou cansanzo, presentaremos as lupas como recurso para a exploración, propiciando que abran novas posibilidades.

Deixaremos que os intereses das crianzas afloren e animarémolos a experimentar: a qué ulen?, que textura teñen?, hai diferencias si se usan distintas partes do corpo para tocalas?, que cor teñen?…

cof

Por último propoñerémoslle que realicen unha composición artística coas follas que teñan, na que transmitan sensacións, sentimentos, pensamentos, ideas… Aproveitaremos o momento para falar e compartir en gran grupo, e deixaremos as nosas obras de arte alí, agardando a que a natureza volva a facer o seu traballo e na próxima visita nos ofreza oportunidades diferentes.

Precisamos…

… Un espazo axeitado dentro do bosque.

Pensada para

…que as crianzas descubran os sentidos como fonte de sensacións, empregándoas para o coñecemento do entorno que as rodea.

…que nenos e nenas utilicen a linguaxe oral como medio para expresar emocións e sentimentos.

… que se establezan relacións de confianza, respecto, colaboración e afecto, entre nenas e nenos, á hora de realizar a actividade.

…que nenos e nenas se acheguen cunha actitude de respecto á natureza e os seus habitantes.

Pasamos á acción

Previa á saída coas crianzas teremos localizada unha zona segura e axeitada para a realización da actividade. Trátase de buscar un lugar sen desniveis moi pronunciados no seu chan e con árbores suficientes para que nenas e nenos e podan abrazalos sen necesidade de esperas.

De camiño cara o bosque podemos ir preparando o ambiente e falando da maxia que supón sentir, moi de preto, a enerxía das árbores. Podemos falar de animais, que aínda que non estén presentes no noso entorno cercano, todos e todas coñecemos como por exemplo os koalas que pasan a maior parte do tempo abrazados ás árbores para sobrelevar as altas temperaturas. Tamén podemos falar de animais máis cercanos e facilmente visibles nas saídas: paxaros, insectos, esquíos…

Unha vez no lugar elixido alentaremos a nenos e nenas para que se movan con liberdade no entorno e podan dar todas aquelas apertas que queiran ás arbores: apertas individuais, apertas en parella, apertas en grupos…

Trataremos, en todo momento, que nenas e nenos sexan respectuosas co medio natural o cos seus habitantes, pondo especial coidado en non molestar a ningún animal, nin alterar o seu hábitat.

Unha vez que o interese dos nenos e nenas comence  a decaer xuntarémonos e, sentadas en círculo no chan, compartiremos co grupo aquelas sensacións vividas, sentimentos e información que consideremos importantes.

Precisamos…

… Un espazo axeitado dentro do bosque.

Pensada para

…que nenos e nenas experimenten novas formas de achegarse á literatura.

…que nenos e nenas exerciten as capacidades de atención e observación nun contexto de calma.

…que as crianzas den renda solta á súa imaxinación nun ambiente de respecto e afecto.

… que se establezan relacións de confianza, respecto, colaboración e afecto, entre nenas e nenos, á hora de realizar a actividade.

Pasamos á acción

Previa á saída coas crianzas teremos localizada unha zona segura e rica en posibilidades de exploración en canto a flora e fauna.

Unha vez no bosque deixaremos liberdade para o descubrimento, facendo especial fincapé no respecto polo hábitat das especies que atopen. Cando xa se sintan seguros no novo espazo, dividirémolos en pequenos grupos e introduciremos un elemento novo: as lupas. O número de lupas para cada grupo será o que decida cada educadora en función das actitudes que se queiran traballar: a espera, compartir, o respecto das quendas, etc.

Durante o tempo que dure a actividade aproveitaremos para falar das características dos elementos que interesen ás crianzas, contando co apoio das fichas de inspección e das guías de natureza que levemos.

Processed with VSCO with a6 preset

Para finalizar, volveremos ao gran grupo e, en asamblea, conversaremos acerca dos descubrimentos feitos e dos momentos vividos.

Precisamos…

… Un espazo axeitado na contorna do río.

… Lupas de distintos tamaños para explorar.

… Guías da natureza.

… Fichas de inspección do Proxecto Ríos.