Escola no río
Fantástico libro- xogo de Hervé Tullet que permite ver en movemento, ao estilo dos mini-films, o ciclo de vida dunha árbore dende o seu nacemento ata que queda sen follas e todo volve a empezar.
Maxia nas mans para os/as máis pequenos/as.
No patio da escola había unha árbore.
Só unha.
Un relato cargado de optimismo. Unha historia de amor entre as crianzas e a árbore da súa escola, no que a mestra muda os seus pensamentos pola obstinación d@s nen@s en acariñala. A secuencia de imaxes e texto déixanos con dúas ideas: o valor que ten o respecto pola natureza durante a infancia e a importancia que teñen os proxectos na metodoloxía escolar, construidos a partir das propostas d@s propi@s nen@s
Monterapia é algo máis que un libro sobre montañismo. Juanjo Arbizu, a través das súas experiencias personais, achéganos reflexións sobre distintos problemas da vida diaria ofrecéndenos unha visión da montaña e a natureza como contexto de aprendizaxe para enfrontalos mellor.
Guía de inspección do estado do río elaborada por Adega como imprescindíbel material de apoio para participar no Proxecto ríos.
Había unha vez unha árbore…
que quería moito a un neno (…)
Unha historia das que non deberían rematar nunca. O amor incondicional, a lealdade e xenerosidade infinita entre unha árbore e un neno son os valores que encontramos neste relato extraordinario. O trazo libre e a simplicidade do negro sobre o branco en cada imaxe convírteno en esencial para os andeis de calquera biblioteca.